एन. सन्चार न्युज 
काठमाडौं : शिक्षा, विज्ञान तथा प्रविधि मन्त्रालयका सचिव यादवप्रसाद कोइरालाले जेठ ५ गतेभित्र नै सबै विद्यार्थीको हातमा पाठ्यपुस्तक पुग्ने दाबी गरेका छन्।
उनले करिब ६ महिनाअघि नै कर्णाली प्रदेशमा पाठ्यपुस्तक पुगिसकेको र अन्य ठाउँमा भने जेठ ५ गते विद्यार्थीको हातमा पुस्तक पुग्ने बताएका हुन्।
वैशाखमा पुस्तक छाप्ने योजना रहे पनि स्थानीय तहको निर्वाचनका कारण मतपत्र छाप्न प्राथमिकता दिनुपर्ने भएकाले पुस्तक छपाइलाई घटाएको उनले बताए।
उनले भने, ‘वैशाखमा पुस्तक छाप्ने हाम्रो योजना थियो, वैशाख १ गतेबाट किताब वितरण गर्ने फाइनल स्टेजमा थियौँ, बीचमा युक्रेनमा भएको युद्धका कारण सप्लायर्सले सामान ल्याउन सकेनन्। कागज, निजी क्षेत्रले समेत कागजको अभावका कारण छाप्न नसक्ने अवस्था छैन भने यो सरकारी हो, टेण्डर गरेको हुन्छ। टेण्डर गरेको कारणले सप्लायर्सले सामान नै भेटेन।’
केही स्थानमा भने निर्वाचनका कारण अझै साता दिनसम्म पुस्तक पुग्न ढिला हुने उनको भनाइ छ।
