एनसन्चार भदौ १८, काठमाण्डौ : एसिया कप क्रिकेट प्रतियोगितामा आज हुने नेपाल र भारतबीच खेलमा भारतका सबैभन्दा सफल फास्टबलर जसप्रित बुमराहले नेपालसँगको खेल नखेल्ने भएका छन् । भारतीय सञ्चारमाध्यमहरूका अनुसार बुमराह आजै भारत फर्किँदै छन् । उनी व्यक्तिगत कारणले भारत फर्किन लागेको जनाइएको छ । बुमराह नहुनु नेपालका लागि सुखद् खबर हो । किनकी उनी विश्वकै सफल फास्ट बलर मानिन्छन् ।
श्रीलंकाको पल्लेकेल मैदानमा दिउँसो सवा तीन बजे खेल सुरु हुनेछ । नेपालले भारतलाई पराजित गर्न सके नेपाल सुपर फोरमा प्रवेश गर्नेछ । नेपाल पाकिस्तानसँगको खेलमा पराजित भएको थियो ।
