एजेन्सी । नाइजेरियाका सेना प्रमुख लेफ्टिनेन्ट जनरल इब्राहिम आताहिरुको विमान दुर्घटनामा मृत्यु भएको छ ।
उत्तर पश्चिम राज्य कदुना विमानस्थल नजिक सेनाको विमान दुर्घटनामा आताहिरुको मृत्यु भएको हो । दुर्घटनामा परेर चालक दल र अन्य दशजना अधिकृतहरूको पनि मृत्यु भएको छ ।
५४ बर्षिय जनरल आताहिरु गत जनवरीमा मात्रै सेना प्रमुख बन्नुभएको थियो । उहांले मुलुकमा जारी हिंसात्मक विद्रोह नियन्त्रणमा मुख्य भुमिका निर्वाह गरिरहनुभएका थियो ।
खराब मौसमका बीच विमान अवतरण गर्न खोज्दा उक्त घटना भएको सेनाले जनाएको छ । गत फेब्रुअरीमा मात्र नाइजेरियाको सेनाको एउटा विमान राजधानी अबुजामा धावनमार्ग छुने क्रममा दुर्घटना हुंदा विमानमा सवार सबै सात जनाको मृत्यु भएको थियो ।
