गण्डकी प्रदेशमा सत्ता पक्ष र विपक्ष दुवै अल्पमतमा, गुरुङ नेतृत्वको सरकारलाई जसपाले समर्थन गर्दैनः डा.बाबुराम भट्टराई

जेठ २४, कास्की,

गण्डकी प्रदेशको पृथ्वी सुब्बा गुरुङ्ग नेतृत्वको सरकारले बिश्वासको मत लिने समय नजिकिदै गर्दा अब प्रदेश सरकार कस्को नेतृत्वमा बन्छ भन्ने कुराको बहस चलिरहेको छ ।

सर्बोच्चले जनमोर्चाका सांसद कृष्ण थापालाई सांसद पद खारेज नगर्न अन्तरिम आदेश दिएपछि प्रदेशका सत्ता पक्ष र विपक्षी दुबै अल्पमतमा परेका छन् ।

अब गण्डकी प्रदेशमा संसद बिघटन भएर मध्याबधी निर्वाचन हुन्छ कि नयाँ सरकार बन्छ भन्ने कुराको निर्धारण भने माओबादीले के निर्णय गर्छ भन्ने कुराले निर्धारण गर्ने देखिन्छ ।

दुबै पक्ष अल्पमतमा भएका कारण बहुमत पु¥याउनका लागि माओबादीबाट निर्बाचित सभामुख नेत्र अधिकारीले सभामुख पदबाट राजिनामा दिएको खण्डमा बिपक्षी गठबन्धनलाई बहुमत पुग्ने देखिन्छ । तर माओबादीमा भने आँफैले नेतृत्व गर्न पाए मात्र सभामुखबाट राजिनामा दिने भन्नेबारे बहस चलिरहेको स्रोतको दावी छ ।

यता काँग्रेस ,जसपा र जनमोर्चाले भने सभामुखले राजिनामा दिएर मुख्यमन्त्रीमा कृष्ण नेपाली पोखरेललाई नै सहयोग गर्नुपर्ने दबाद सिर्जना गरिरहेको छ । त्यसो गरेको अवस्थामा नयाँ सरकार गठन हुन मार्ग प्रशस्त हुने र सभामुखमा फेरि पनि माओबादी कै सांसदलाई बिजयी गराउन सकिने गठबन्धनको दावी छ ।

1511953248baburam-bhattarai-final-final

यसैबिच
जनता समाजबादी पार्टीका संघिय परिषद अध्यक्ष डा. बाबुराम भट्टराईले गण्डकी प्रदेशका मुख्यमन्त्री गुरुङको नेतृत्वमा रहेको सरकारलाई सहयोग नगर्ने बताउनुभएको छ ।

गुरुङको नेतृत्वको प्रदेश सरकारमा जनता समाजबादी पार्टी सहभागि हुने हल्लाहरु आएपनि ‘पार्टीले गठबन्धन भन्दा बाहिर नजाने निर्णय गरेको भट्टराईले बताउनुभएको हो ।

सोमबार पत्रकारसँगको कुराकानिमा भट्टराईले भन्नुभयो ः गुरुङ सरकारमा सहभागि हुने वा उनलाई सहयोग गर्ने कुराको कुनै संभाबना छैन । त्यहाँका सांसदहरु पनि त्यो बिषयमा प्रष्ट नै छन् । हामी प्रतिगमनलाई काँध थाप्न सक्दैनौँ ।’

त्यस्तै उहाँले आफूले प्राप्त गरेको सूचनाअनुसार देशभित्र र बाहिरका प्रतिगमनकारी शक्तिहरु मिलेर संविधान र लोकतान्त्रिक गणतन्त्रलाई उल्टाउने र देशलाई अनिश्चयको अँध्यारो सुरुङतिर धकेल्ने षड्यन्त्र भइरहेको दाबी गर्नुभएको छ ।

जनता समाजवादी पार्टीको एक समूहको सरकारमा सहभागितालाई पनि नेता भट्टराईले प्रतिगमनकारीहरूको षड्यन्त्रका रुपमा अथ्र्याउनुभयो ।

यस्तै जसपा गण्डकी प्रदेशका संसदीय दलको नेता हरिशरण आचार्यले पनि पार्टीको निर्देशन भन्दा दायाँबायाँ नहुने बताउनुभएको छ । बाहिर जे जसो हल्ला भएपनि गुरुङ नेतृत्वको सरकारमा सहभागी बन्ने वा सरकारलाई सघाउने कुनै संभावना नरहेको आचार्यले दाबि गर्नुभएको छ ।

  • सम्बन्धित समाचारहरूः

    • २०८१ माघ २८, सोमबार १९:५०
    • 12 views
    राष्ट्रिय जनमोर्चाले संघीयता खारेजीको माग गर्दै काठमाडौं केन्द्रित आन्दोलन गर्ने

    कावासोती, माघ २९ गते । राष्ट्रिय जनमोर्चाले संघीयता देश र जनताका लागि घातक भएको निष्कर्षसहित संघीयता खारेजीको माग गर्दै काठमाडौं केन्द्रित आन्दोलन गर्ने घोषणा गरेको छ । जनमोर्चा नवलपुरले कावासोतीमा…

    विस्तृत.....

    • २०८१ माघ २८, सोमबार १८:३५
    • 27 views
    राष्ट्रिय पञ्चायतकी चर्चित सदस्य नानीमैया दाहालको निधन

    काठमाडौं । राष्ट्रिय पञ्चायतकी चर्चित सदस्य नानीमैया दाहालको निधन भएको छ । काठमाडौंका मित्रपार्कस्थित दीर्घायु अस्पतालमा उपचारका क्रममा निधन भएको गोकर्णेश्वर–६ का पूर्ववडाध्यक्ष तथा मित्रबन्धु कल्याणकारी गुठीका अध्यक्ष रमेश अर्यालले…

    विस्तृत.....

    Leave a Reply

    Your email address will not be published. Required fields are marked *