चितवनमा केही दिनयता संक्रमितको संख्या बढ्दै गएको पाइएको छ । स्वास्थ्य कार्यालय चितवनका अनुसार सक्रिय संक्रमितको संख्या बढ्दै गएको हो । स्वास्थ्य कार्यालय चितवनले सार्वजनिक गरेको तथ्यांकअनुसार दैनिकका चितवनमा असार १० गते यता सक्रिय संक्रमितको संख्या बढेको देखिएको हो ।
चितवनमा असार १० गते सक्रिय संक्रमितको संख्या १०४६ रहेको थियो । यस्तै, असार ११ गते १०२३, १२ गते १०२६, १३ गते १०१४ जना सक्रिय संक्रमित रहेका थिए । असार १४ गते संक्रमितको संख्या बढेर १०८७ पुग्यो भने आज असार १५ गते यो संख्या बढेर ११३९ पुगेको स्वास्थ्य कार्यालयले जनाएको छ ।
चितवनमा मंगलबार १२९ जनामा कोरोना संक्रमण पुष्टि भएको छ । योसहित चितवनमा १६ हजार १८२ जना संक्रमित भएका छन् । जसमध्ये १४ हजार ७६१ जना निको भइै घर फर्किएका छन् । चितवनमा मंगलबार एक जनाको मृत्यु भएको छ । योसहित चितवनमा कोरोना संक्रमणका कारण मृत्यु हुनेको संख्या २८२ पुगेको छ ।
