काठमाडौं
प्रधानमन्त्री केपी शर्मा ओलीले राष्ट्रपति विद्यादेवी भण्डारी आफ्नो कोटको खल्तीमा बसेको जस्तो कार्टून किन बनाएको भनेर प्रश्न गरेका छन् । कान्तिपुरमा आइतबार प्रकाशित एक कार्टूनमा राष्ट्रपति बिद्या भण्डारी जस्तो देखिने एक पात्र श्रीपेच लगाएका ओली जस्ता देखिने पात्रको खल्तीमा बसेको जस्तो देखिएको थियो ।
सो काटूर्नमा राष्ट्रपतिसँगको फोटोमा आफ्नो फोटो जोडेर कार्टुन बनाइएकोप्रति आपत्ति जनाएका हुन् । आइतबार प्रधानमन्त्री निवास बालुवाटारमा भएको पत्रकारहरुसँगको अन्तरक्रियामा बोल्दै प्रधानमन्त्री ओलीले प्रधानमन्त्री आफ्नो कोटको खल्तीमा हालेको कार्टुनप्रति आपत्ति जनाएका हुन् ।
आफ्ना विपक्षीहरुले त्यसो गरेको भन्दै राष्ट्रपति जस्तो संस्थाको समेत अपमान गरेको प्रधानमन्त्री ओलीले बताए । ‘उनीहरुलाई मजा आइरहेको होला नि, ठूला ठूला फोटा बनाएर प्रधानमन्त्रीको कोटको खल्तीमा राष्ट्रपतिको फोटोवाला कार्टुन ।’ प्रधानमन्त्री ओलीले भने ।
ओलीले माधव नेपालसँगको आफ्नो सम्बन्ध अब इतिहास भएको बताएका थिए । यस्तै नेपाली काँग्रेसका सभापति शेरबहादुर देउवालाई साथ दिने जसपाका सांसदलाई कुडा कर्कट बताएका थिए ।
