काठमाडौं : जल तथा मौसम विज्ञान विभागको मौसम पूर्वानुमान महाशाखाका आज बागमती र प्रदेश १ का पहाडी भू–भागका एक–दुई स्थानमा मेघगर्जन र चट्टयाङसहित हल्का वर्षाको सम्भावना रहेको छ। देशका अन्य पहाडी भू–भागहरुमा आंशिकदेखि सामान्य बदली रही बाँकी भू–भहागहरुको मौसम सामान्यतया सफा रहने महाशाखाका मौसमविद समीर श्रेष्ठले जानकारी दिए।

देशमा स्थानीय वायुसँगै पश्चिमी वायुको समेत प्रभाव रहेको महाशाखाले जनाएको छ। जसका कारण अहिले बिहान काठमाडौं उपत्यकासहित देशका पहाडी भू–भागहरुमा आंशिकदेखि सामान्य बदली रहेको छ। बाँकी भू–भहागहरुको मौसम भने सामान्यतया सफा रहेको छ।

आइतबार राति गण्डकी र प्रदेश १ का पहाडी भू–भागका एक–दुई स्थानमा मेघगर्जन र चट्टयाङसहित हल्का वर्षाको सम्भावना रहेको छ। देशको पहाडी भू–भागहरुमा आंशिक बदली रही बाँकी भू–भहागहरुको मौसम सामान्यतया सफा रहने छ।

आज बिहान काठमाडौं उपत्यकाको न्यूनतम तापक्रम ९ दशमलब ४ डिग्री सेल्सियस मापन भएको छ। दिउँसो तापक्रम बढेर २६ देखि २८ डिग्री सेल्यिससम्म पुग्न सक्ने अनुमान गरिएको छ। हिजो काठमाडौं उपत्यकासहित देशका विभिन्न भागमा पानी परेको थियो। गण्डकी प्रदेशको लुम्लेमा १९ दशमलब ३, जोमसोममा १७ दशमलब ५, भैरहवामा १५ र काठमाडौंमा शून्य दशमलब १ मिलिमिटर पानी परेको थियो।